Labadan hablood ayaa si balaadhan looga yaqaanaa bulshada Somalida ah ee ku dhaqan Magaalaga Ottawa.
 |
Hargeisa (HWN) Labadan hablood ee Walalaha ah oo Somali ah ayaa si iskumid ah loogu dilay guri kuyaalla meel u dhaw Wadada McCarthy ee Magaalada Ottaw , Canada.
Sucaad Mohamed oo ah saaxibada labadan hablood ee Somalida ayaa sheegtay inay ahaayeen labo hablood oo aad u wanagsan oo lakala odhan jiray Nasiba Noor ,29 jir ah , iyo Asma Noor ,32 jir ah , labadooduna ay kunoolaayeen magaalada Ottawa.
Sucad Mohamed oo warbixin kabixsay labadan Hablood ee Somalida ah ayaa sheegtay inay is yaqaaneed muddo 10 sano ah . Waxay sheegtay in gabaddha Nasiba ay ahayd macallimad Quran oo dadka barta quranka , iyada oo sheegtay inay iyadana bartay Quranka.
Labadan hablood ayaa si balaadhan looga yaqaanaa bulshada Somalida ah ee ku dhaqan Magaalaga Ottawa.
Mohamed Said oo kusugnaa Edmenton oo telephone laga waydiiyay aqoonta uu u leeyahay intay gaadhsiisantahay ayaa sheegay inay ahaayeen labada hablood dad aad u wangsan oo haddii aad barato aadan ka xiiso goyneynayn.
Kadib dhimashada labadan dumar ee Somalida ah ,ciidanka Ammaanka ayaa lagu soo wargaliyay inay yimaadaan Wadada McCarthy , Ottawa abaara 9.pm , halkaas oo ay ka soqadeen labad marxuum oo yaalla goobta.
Anver Malam, oo ah imam ka iyo aasaasaha Masjidka Jami Omar oo kuyaalla wadada Old Richmond Road, ayaa sheegay in labada hablood la aasi doono maanta oo axad ah saacadu markay tahay 1.pm , laakin waxa uu kacodsaday in dad waynuhu yimaadaan masaajidka Salaadda Duhur si ay uga qayb galaan salaadda Janaasada ah.
Waxa uu intaas ku daray in lagu aasi doono labada marxuum xabaalaha Muslimiinta ee magaalada Ottawa.
Imamku waxa uu sidoo kale sheegay in arrinta muhiimka ah ee imika loo baahanyahay ay tahay in loo duceeyo labada marxuum iyo qoyska ay ka baxeen oo u baahan imika in lagarab istaago.
Nin saxafi ah ayaa sheegay inuu jiray nin aan wali haybtiisa la aqoonsan oo taagnaa goobta dilku kadhacay iyada oo wakhtigaasi ahayd wakhti aad u qabow. Ciidanka Ammanka ayaa ninkaas gacanta ku dhigay , mana jiro illaa hadda cid si cad loogu soo eedeeyay inay kadanbeysay dilka labadan Marxuum.
Labadan hablood ee ladilay ayaa noqonaya dilkii noocan oo kale ah ee 23 aad iyo 24 aad ee dhaca sanadkan gudihiis.
