Ra’iisul Wasaaraha Xukuumada federaalka Soomaaliya Mudane Cumar Cabdirashidi Cali Sharma’arke ayaa ka hor yimid go’aan ay dhawaan wada gaareen Qaar kamid ah Odayaasha dhaqanka ee matalaya Beelaha Dega Hiiraan iyo Shabeelaha Dhaxe iyo Guddiga Doorashooyinka dadban.
Guddiga Doorashooyinka Heer Federaal ayaa dhawaan sheegay in Odayaasha 135-ta Oday ugu jira Beelaha Dega Hiiraan iyo Shabeelaha Dhaxe ay go’aansadeen in xubnaha aqalka hoose u matalaya labadaasi gobol lagu doorto magaalada Muqdisho.
Ra’iisul Wasaaraha Xukuumada federaalka Soomaaliya Mudane Cumar Cabdirashidi Cali Sharma’arke ayaa sheegay in Go’aan ka gaaaridda goobta lagu qabanayo Doorashada Xildhibaanadda Goboladda Hiiran iyo Sh,Dhexe ay tahay mid u taalla Dowladda Federaalka.
Waxa uu tilmaamay Ra’isul Wasaaraha in Guddiga Doorashooyinka dadban looga baahan yahay in wadatashi dheer arintan kala soo yeeshaan Odayaasha labada gobol ugu jira liiska 135-ta Oday ayna ugu tagaan meel kasto ay joogaan kadibna natiijada kasoo baxda kula soo noqdaan Dowlada Federaalka oo iyadu leh go’aan ka gaarista natiijada kasoo baxda wadatashiga
“Waxaan u mahadcelinaya oo aan Bogaadinayaa howsha wanaagsan ee ay wadaan Guddiga Doorashadda 2016-ka , hase yeeshee waxaan rabaa inan faro oo aan u caddeeyo Guddiga in ay ilaaliyaan Go’anadii lagu gaaray Madasha hogaamiyaasha Qaranka oo lagu caddeyey in Go’aan ka gaaridda goobta lagu qabanayo Doorashadda Xildhibaanadda Goboladda Hiiraan iyo Sh, Dhexe oo ahayd mid u taalla Dowladda federaalka Soomaaliya “ ayuu yiri Ra’iisul Wasaaraha Soomaaliy
Hadalka Ra’isul Wasaaraha Soomaaliya ayaa imaanaya xili horey loo shaaciyay in Doorashada Xildhibaanada aqalka hoose u matalaya Gobolada Hiiraan iyo Shabeelaha Dhaxe lagu qabanayo magaalada Muqdisho.
