Hargaysa(AN)-Wasiirka Kalluumaysiga iyo khayraadka badda Somaliland ayaa sheegay in booyad sun ahi ku soo goosatay xeebta bari ee gobolka Sanaag
Walaxda sunta ah
Wasiirka ayaa sheegay in haantan ay ku jirto sun isla markaan dadwaynaha ku nool gobolkaasi digniin u diray ,waxaannu sidaasi ku sheegay hadal aan warbaahinta laga sii dayn oo shabakada Tooshnews heshay cododka Masuuliyiinta Kaluumaysiga oo ka hadlaya booyaddan suntan ah ee ay sheegeen in lagu soo tuuray badda Somaliland.
“Wefti ka mid ah wasaarada oo Agaasimaha Qorshayntu watay ayaa tagay xeebta dhinaca bari, halkaasi waxa lagu soo arkay booyad sun ah oo baroosin lahayd oo soo goosatay,markaa dabayshii dhawaan dhacaysay ayaa soo goysay, banaanka ayaanay taallaa”ayuu ku yidhi mar uu warbaahinta ka hadlay balse aan la baahin arintan,waxaanay shabakada Tooshnews heshay codadka masuuliyiinta wasaaradda kalluumaysiga.
Walaxda sunta ah
Wasiirka Kaluumaysiga Somaliland Md Buureed , ayaa sheegay in calaamahada walaxdan sunta ahi u eegtahay mid qarax samaynaysay,isagoo dad waynahana ka codsaday inay ka fogaadaan , waxaannu yidhi;“Markaad calaamadaha eegto waxay u muuqataa mid qarxaysa,waxaannu kula tallinaynaa inta arrintaa wax laga qabanayo inay dadka deegaankaasi ka fogaadaan, kuwa baadiyaha jooga iyo kuwa xeebta joogaaba ay ka durkaan dadaal badan ayaannu wadnaa dawladuna qorshe ayay leedahay,waxa laga yaabaa inay mar kasta iska qaraxdo ayay u dhawdahay, deegaankaasi oo dhan waa in laga fogaadaa si aanay suntaasi ugu neefsan.Booyadan soo goosatay waxay lahayd baroosin,waxaana kuu muuqata inay booyado badan oo baroosin lahaa bada yaallaan waxaanu dadka deegaanka ka codsanaynaa inay suntaasi ka fogaadaan intay ka fogaan karayaan isla markaan soo sheegaan waxyaabaha ay ka shakiyaan.”
Walaxda sunta ah
Dhinaca kalena Agaasimaha Waaxda Qorshaynta Wasaaradda Kaluumaysiga Somalialnd Saam Cumar Geedi, ayaa sheegay inay indhohooda ku soo arkeen walaxdan sunta ah, waxanu tilmaamay in badda Somaliland lagu soo daadiyay sannadkii 2010-kii isla markaan qaylo dhaan bulshada caalamka u direen. “Waxa jira inay mararka qaar badeheena ka soo caaridaan haamo aan la garanayn wax ku jira, waxa jira in dhawaan ay badda ka soo caariday haan wayn oo aan la garayan wax ku jira, dad waynaha waxaan u sheegayaa inaanay isku dayin haantaasi inay u dhawaadaan waxa laga yaabaa inay ku jiraan sun. 2010kii ayaa la dhigay badeena waxa ku qoran KM-TTB Group, waxay wasaaraddu la kaashatay oo durba gaadhsiisay hay’adaha qaabilsan arrimahan farriin. Fariintaasina way gaadhay meel walba.”ayuu yidhi Agaasimaha Waaxda Qorshaynta Kalluumaysigu.
Walaxda sunta ah
Walaxdan suntan ah ayay muddo ka qaylinayeen dadka ku nool xeebtaasi, iyagoo fariimo kala duwan u soo diray wasaaradaha deegaanka iyo kaluumaysiga.
