Jimciyadda Tawciya Al -Islaamiya ayaa siminaar Diiniya u qabatay ardayda wax ka barata 10 dugsi oo ka mida dugsiyadda hoose dhexe ee magaaladda Hargeysa, iyadoo sidoo kale abaalmarino la guddoonsiiyay dugsiyadii ku guuleystay kaalmaha hore gashay.
Kulan lagu soo xidhayay muxaadaradaasi oo lagu qabtay Hotel Imperial ee magaalada Hargaysa jimcihii todobaadkan ayaa , waxaa ka soo qaybgalay maamuleyaasha tobanka dugsi ee muxaadaradaasi ka qayb galay, agaasimaha waaxda Awqaafta ee wasaaradda Diinta iyo aw qaafta, gudoomiyaha iyo ku xigeenka Jimciyadda Tawciya Al –Islaamiya, waalidiin iyo marti sharaf kale.
Muxaadaraddaasi oo ujeedadeedu ahayd mid dhallinyaradda lagu wacyigelinayo afcaasha xun xun isla mar ahaantaasna loogu tilmaamay faa’iidada ku jiraa aqoonta Diiniya iyo maadiga ahba, iyadoo looga faa’iidaynaayo ardayda intii ay ku jiraan fasaxa Iskuullada.
Waxaana munaasibaddan ugu horeyn hadal ka soo jeediyay Agaasimaha Waaxda Diinta iyo Awqaafta Mr. Axmed Ibraahin, waxaanu yidhi “Waxaan ku faraxsanahay in maamulka Jimciyadda Al towciya Islaamiya ay halkan toban dugsi ku siiyaan aqoon Diiniya, 10 dugsi oo ay uga faa’iideynayaan ardayda muddada fasaxa ay ku jiraan, waxaan Illaahay ka rajeynayaa in aad ku camal fashaan duruustii Diiniga ahayd ee aad barateen, walaalayaal cilmigii waa cibaado oo Illaahaybaa inoo sheegay oo Ras’uulkeeniiba (SCW) ina faray inaynu barano.Markaa aad baan ugu mahadnaqayaa ayuu yidhi Agaasimaha Waaxda Diinta iyo Awqaafta.”
Sidoo kale waxaa isna munaasibadaasi hadal ka soo jeediyay guddoomiyaha maamulka Al towciya Islaamiya Sacad Maxamuud Sh. Muuse, waxaanu yidhi “Jimciyaddan waxaa la aasaasay 2002 barnaamijkaanina wuxuu socday laba todobaad, waxaanay ka shaqeysa inay ardayda dhiirrigeliso iyo siisana culuun Diiniya, iyadoo looga faa’iideynayo ardayda muddada fasaxa ay ku jiraan, waxaa la yidhi “geedka yari gunta loo hagaaja”, waxaanu maanta soo gabagebaynay siminaar khayriya oo ay toban dugsi oo ka mida dugsiyada dhexe iyo hoose oo kala ah:
Dugsiga Hoose Sh. Cali Cismaan Ex-Riis, Dugsiga Qudha Dheer, Daloodho, Axmed DHagax, 31 May, Guryo Samo, Sh. Yuusuf Kowniin, Sh. Madar, 18 May iyo Dugsiga H/Dh ee Daami, waxaanan Illaahay ka rajeynayaa in aad noqotaan kuwii ku camal fala.”
