Kalfadhigii maanta oo uu shir gudoominayay gudoomiyaha baarlamanka Soomaaliya Mudane Max’ed Sheekh Cismaan Jawaari, ayaa waxaa soo xaadirtay 224 Xildhibaan, waxaa codka kalsoonida siisay ra’isul wasaaraha 218 Xildhibaan, halka afar mudane ay ka aamustay.
cumar c
Kulanka ayaa waxaa khudbado kala duwan ka jeediyay madaxweeynaha Jamhuuriyadda federaalka Soomaaliya Mudane Xasan Sheekh Max’uud iyo raysul wasaare Cumar Cabdirashiid iyo weliba gudoomiyaha baarlamanka Soomaaliya, kuwaasoo dhammaantoodba ugu hambalyeeyay mudeyaasha baarlamanka ansixintooda .
Raysul wasaaraha Madaxweeynaha ayaa si adag uga hadlay khilaafyada soo noqnoqda ee madaxda dowladda, iyadoo madaxweeyne Xasan Sheekh Max’uud uu baarlamanka hortiisa ka sheegay in uu si dhow ula shaqeyn doono raysul wasaaraha cusub ee dalka.
Ansixinta kadib ayuu gudoomiyaha maxkamadda sare ee dalka Mudane Caydiid Ilkaxanaf halkaasi ku dhaariyay raysul wasaaraha cusub ee Soomaaliya Mudane Cumar Cabrishiid Cali Sharmaake.
17-ka December ee sanadkan ayay ahayd markii madaxweeynaha Jamhuuriyadda federaalka Soomaaliya uu u magacaabay raysul wasaare Mudane Cumar Cabdirashiid
