Baarlamaanka Kenya ayaa maanta buuq iyo gacan ka hadal hareeyay kadib markii la horkeenay sharciga cusub ee xeerka amaanka, kaasoo awood dheeri ah siinaya Booliska iyo Madaxweynaha Kenya, waxayna Xildhibaanada kala hortageen buuq iyo fowdo.
Xildhibaanada Mucaaradka ayaa la arkayay iyagoo jeex jeexayay nuqulada hindise sharciyeedka xeerka amaanka, iyadoo taasina ay ka dhalatay gacan ka hadal dhex maro xildhibaanada qaarkood oo laba u kala qeybsanaa.
Afar ka mid ah xildhibaanada ayaa isu gacan qaaday, waxaana labo ka mid ah uu amray Gudoomiye kuxigeenka Baarlamaanka in dibada loo saaro, markii uu buuqa iyo gacan ka hadal sii xoogeystay.
