Hargaysa(AN):-Xildhibaan Cabdiqaadir Jaamac Xaamud, guddoomiye-xigeenka Guddida Ilaalinta Hantida Qaranka ee Golaha Wakiillada oo Warbaahinta la hadlay, ayaa ka digay hanti-lunsi dhaca xilliga kala-guurka Xukuumaddeed ee dalku ku jiro.
Xildhibaanka, ayaa sheegay inay isha ku hayn doonaan masuuliyiinta iyo Hay’adda dawladda inta kala wareegu socdo, si loo ilaaliyo in hanti qaranku leeyahay la leexsado, iyadoo looga faa’idaysanayo wakhtiga.
Golaha ayaa awood u leh la xisaabtanka iyo daba-gelista falalka hanti-lunsi xataa marka ay Xukuumaddu shaqaynayso.
