Ottawa(Arabsiyo News) dawlada dalka Canada ayaa laga filayaainay jawaab ka soo bixiso codsi ay saxeexeen qurba-jooga u dhashay Somaliland isla markaana xildhibaan John McKay jimcihii la soo dhaafay ka akhriyay baarlamaanka dhexdiisa dalab lagaga codsanayo dawlada Canada inay u aqoosato Somaliland dal madax banaan.
Waxaanu ahaa dalabku mid buuxiyay dhamaan shuruudihii looga baahnaa , waxaana saxeexay 295 taageere oo dhammaantood ka mid ahaa qurba jooga Somaliland ee degan Canada.
Xildhibaankan oo wareysi gaara siiyay wargeyska DAWAN ayaa sheegay in dalabka noocan oo kale ah dawladoodu kaga soo jawaabto mudo 45 cisho ah, waxaanu tilmaamay in jawaabta rasmiga ah ka soo bixineyso soo jeedinta aqoonsiga Somaliland.
Waxaana dalabkan soo gaadhsiiyay wargeyska DAWAN wasiirka arrimaha dibada Somaliland Dr. Sacad Cali Shire waxaanu u dhignaa Sidan:– “Anigo ka wakiila xukuumada Somaliland waxaan doonaya inaan kaga mahad celiyo ugudbinta dalabka aqoonsiga Somaliland ee baarlamaanka Canada Somaliland way u qalanta in loo aqoonsado dal madax banaan, waxaanay ugu leedahay xaq haday tahay sharciyan taariikhiyan ama bini,aadam nimo, waxaanan kugu soo lifaaqay cadeymaha sharci ee muujinaya sababta Somaliland ugu qalanto inay ictiraaf hesho”
Arabsiyo.com
Arabsiyonews@gmail.com
