Paris{AN}- Ku dhawaad 350 oo ergo suxufiyiina oo ka kala socota dunida kuwaa oo ka qayb galaya shir IFJ ee ka socda dalkaasi Faranasiiska gaar ahaan Magaalada Angers ayaa kulan socod ku maray waddooyinka magaalada kuwaasi oo sita sawirka Weriye Sagal Osman Salad
Socodkaas ayaa waxaa hor kacayay Xoghayaha guud ee ururka Suxufiyiinta Qaranaka Soomaaliyeed Cumar Faaruuq Cismaan , waxaa sidoo kalena iyadna la xusuusanayaa Saxafiyad Faransiis ah oo lagu magacaabo Camille Lepage, oo la dilay 12kii May 2014 ee Jamhuuriyadda Bartamaha Afrika (CAR) iyo sidoo kale Dilkii Sagal Salaad Cusmaan oo ahayd gabar suxufiyad dhalinyaro ah oo Soomaaliyeed.
Waxaa sidoo kale halkaas lagu soo bandhigay ama ubaxyo la dhigay taalooyin lagu xusaayo saxafiyiinta sanaadkaaan lagu dilay caalamka oo dalkeena soomaaliya uu kamida tahay wadamada inta badan suxufiyiinta lagu dhibaateeyo .
Xogahaya guud ee IFJ Anthony Bellanger ayaa suxufiyiinta soomaaliyeed u diray hambalyo wuxuuna ku booriyay inay shaqadooda sii wataan , iyadoo la ogsoon yahay marxalada adage ee uu ku shaqeeyo suxufiga Soomaaliyeed “ Halkan waxaa ku kulmay in ka badan 300 suxufiyiin ka kala yimid dunida mid kasta wuxuu leeyahay dalka shaqadiisana waa mid u madax banaan cid soo fara galisana ma jirto waxaan NUSOJ u rajaynayaa inay sidaa oo kale u madax banaanato oo fara gelin laga daayo “ sidaa waxaa yiri Anthony Bellanger .
Arasbiyo Desk
Arabsiyonews@gmail.com
