Arabsiyo News—Xukuumadda federaalka Somalia iyo Maamulka Puntland ayaa heshiis ku kala Saxiixday Magaalada Garoowe ee Xarunta Puntland, kaasoo ay qayb ka tahay inay Puntland ogolaatay in Doorashada dhammaadka Sanadkan ka dhici doonta Soomaaliya lagu saleeyo nidaamka 4.5-ka oo ay hore u diidday.
Raysal-wasaare Cumar Cabdirashiid iyo Madxwayne Gaas
Heshiiskan ayaa waxaa dhanka Dowladda Federaalka Somalia u saxiixay Ra’iisul Wasaare Cumar Cabdirashiid Cali Sharma’arke, halka uu Puntland u saxiixay Madaxweyne C/weli Maxamed Cali (Gaas).
Saxiixa heshiiskan ayaa waxaa goob-joogayaal ka ahaa xubno ka socday Beesha Calaamka oo ay ka mid yihiin; Ergayga Qaramada Midoobey ee Somalia, Ergayga Midowga Afrika ee Soomaaliya, Wakiilka IGAD ee Somalia, Wakiilka Midowga Yurub ee Soomaaliya iyo Wasiirka Arrimaha Dibadda ee dalka Itoobiya.
