Arabsiyo News—Gudoomiyaha xafiiska imtixaanaadka qaranka somaliland Daa,uud Axmed Faarax ayaa ugu baaqay Dawlada Turkiga in guddida imtixaanaadka u qaabilsan wadanka Turkiga si weyn loo fahamsiiyo nidaamka waxbarasho iyo imtixaan ee dalka somaliland.
Gudoomiyaha oo maanta ka hadlayey kormeer ay ku tageen dugsiga uu Turkigu ka hir geliyey magaalada Hargeysa ee Nile Academy ayaa waxa uu sheegay inay muhiimn tahay in wadanka Turkigu kala garto somaliland iyo somaliya isla markaana ay yihiin laba dal oo kala madax banaan isla markaana ay isku manhaj ahayn waxaana uu yidhi gudoomiyuhu isagoo arimahasi ka hadlaya sida tan
” ”Waxaan jecelahay inaan dawlada Turkiga u sheego maadaama oo dugsigooda magaalada Hargeysa uu sanadka u fadhiisanayo imtixaanaadka, waxaan ogahay xeer ayey leeyihiin Turkigu oo guddi imtixaanaad ayey leeyihiin sida aynu inaguba u leenahay, sidaas darteed imtixaan ayey doonayaan inay qaadaan mustaqbalka markaa waxaan doonayaa in aad loo fahamsiiyo inaanay iskaga qaldamin guddida imtixaanaadka Turkiga wadamada somaliland iyo somaliya, Xamarna ay caasimad u tahay somaliya somaliland-na ay caasimad gaar ah leedahay waana inay ku tala galaan arintaas.”Gudoomiye Daa’uud Axmed
Gudoomiyuhu isagoo hadalkiisa sii wata ayaa waxa uu intaa ku daray
” ”Aniga gudoomiyaha xafiiska imtixaanaadka qaranka somaliland waxaan doonayaa in la ogaysiiyo guddida imtixaanaadka dalka Turkiga inuu somaliland ka jiro guddi la mid ah oo caalami ah oo imtixaanaadka qaranka qaabilsan.”sidaas ayuu hadalkiisa kusoo koobay gudoomiyaha imtixaanka qaranka somaliland Daa’uud Axmed faraax
Arabsiyo Desk
Arabsiyonews@gmail.com
