Hargeysa(Arabsiyo News)-Gudi hoosaadka dhaqaalaha ee golaha wakiilada Somaliland oo gacanta ku haya odoraska misaanyada qaranka sanadka 2016 waxaa ay soo jeediyeen in miisaanyada laga saaro lacag ay xukuumadu ugu talo gashay ururka suxufiyiinta Somaliland ee (SOLJA) oo miisanyada sanadkan lagu soo daray .
Warqadii Gudidu Ka Hor Akhridey Golaha Wakiilada
Waxaa ay sheegeen in gudidu in aanay cadeen halka lacagtan laga jari doono isla markaana ururka (SOLJA) uu yahay urur ka madax banan dawlada sidoo kalana aanay laheyn wax sharci ah ururka Solja
Dhanka kale Shabakada Arabsiyonews ayaa la xidhiidhay Hogaanka Ururka Solja taas oo ay sheegeen masuuliyiintan in dhaqaalahan horyaal golaha ay uga talagaleen Goobo waxbarasho oo kor uqaadaya aqoonta iyo mihnada Suxufiyiinta arintana ay muddo dheer ka soo shaqaynayeen hogaanka cusub ee Ururka SOLJA.
talaabadan ay ka hor istageen Gudi hoosaadka dhaqaalaha ee Golaha Wakiilada ayaa noqonaysa mid ka soo horjeeda dedaalada loogu jiro sidii loo hormarin lahaa guud ahaanba Saxaafada Somaliland, gaar ahaana qorshaha Hogaanka Ururka SOLJA ay ku damacsanaayeen inay ku dhisaan Dugsi isku jira waxbarasho iyo tababar oo ay leeyihiin Saxafiyiinta reer Somaliland.
si kastaba ha ahaatee ilaa hada lama garanayo awoodaha dabada ka riixaya qorshahan indhabeelka ah ee lagu mijo xaabinayo mustaqbalka iftiinkiisu soo muuqda ee kor loogu qaadayo da’a yarta saxaafada S/land
waxaana laga dhursagayaa talaabooyinka ay kaga jawaabaan Saxaafada S/land oo dhamaantood ay tabanayso dhacdadan aan loo meeldayn
Arabsiyonews.com
Hargaysa Office
