Maamulka Somalilandpost News wuxuu ku wargelinayaa akhristayaasha iyo dhammaan bulshada la socota warbaahinta in dib-u-habayn iyo casriyeyn dhammaystiran lagu sameeyey mareegta Somalilandpost.news, si loo xoojiyo tayada adeegga warbaahineed loona fududeeyo helitaanka wararka.
Casriyeyntan ayaa lagu sameeyey qaab-dhismeedka mareegta, muuqaalkeeda iyo farsamada ay ku shaqayso, iyadoo diiradda la saaray xawaare sare, amni wanaagsan, iyo waayo-aragnimo isticmaale (User Experience) oo casri ah. Waxa kale oo la hagaajiyey habka loo soo bandhigo wararka, warbixinaha gaarka ah, maqaallada, muuqaallada iyo qaybaha kale ee muhiimka u ah akhristayaasha.
Naqshadda cusub ee Somalilandpost.news waxay si buuxda ula jaanqaadaysaa aaladaha casriga ah sida taleefannada gacanta, kiniiniyada iyo kombiyuutarrada, taas oo u sahlaysa akhristayaasha inay si fudud uga helaan wararka meel kasta iyo wakhti kasta.
Dib-u-habayntani waxay qayb ka tahay qorshaha joogtada ah ee Somalilandpost News ku horumarinayso adeeggeeda warbaahineed, iyadoo mudnaanta siinaysa saxnaanta wararka, kalsoonida, hufnaanta iyo soo gudbinta xog tayo leh oo waqtigeeda ku habboon.
Somalilandpost News, oo la aasaasay sannadkii 2011, waa warbaahin muddo dheer ku suntan gudbinta warar sugan, dheellitiran iyo warbixinno ku dhisan mihnadda saxaafadda. Tan iyo markii la aasaasay, waxay kasbatay kalsoonida akhristayaal badan, iyadoo mudnaanta siinaysa saxnaanta xogta, hufnaanta warbaahinta iyo u hoggaansanaanta anshaxa suxufinimada.
Intii ay shaqaynaysay, Somalilandpost News waxay si joogto ah u baahinaysay wararka gudaha iyo dibadda, falanqaynta dhacdooyinka, iyo warbixinno qoto dheer oo ku salaysan xaqiiqooyin la hubiyey, taas oo ka dhigtay mid ka mid ah warbaahinta ay bulshada Soomaaliyeed ku kalsoon yihiin.
Waxaan u mahadcelinaynaa dhammaan akhristayaasha, taageerayaasha iyo bahda warbaahinta ee muddada dheer nagu garab taagnaa. Waxaan idiin ballanqaadaynaa inaan sii wadi doonno soo gudbinta warar sugan, warbixino qoto dheer iyo xog lagu kalsoonaan karo.
Ku soo booqo mareegtayada: Somalilandpost.news
Somalilandpost News
War Sugan • Xog Sax ah • Warbaahin Casri ah
