Hargaysa(AN) Wasiirka Wasaarada Waxbarashada iyo Tacliinta Sare ee JSL Prof Faarax Cilmi Geedoole ayaa xilkii ka qaaday Gudoomiyihii Waxbarashada Gobolka Gaabiley Cali Bayle waxaanu Wasiir Geedoole xilkaas umagacaabay Gudoomiyaha cusub ee Waxbarashada Gobolka Gabiley C/samad Sh Cumar
Gudoomiyaha cusub ee Waxbarashada Gobolka Gabiley C/samad Sh Cumar Qaabil ayaa kamid ahaa bahda waxbarashada 25 sano ee udanbeeyey kana soo bilaabay macalin dugsi isagoo mudadaas heerar kala duwan iyo kaalin muuqata ka soo qaatay taabagalka waxbarashada Gobolka Gabiley gaar ahaan Degmada Arabsiyo
aqoontiisa Waxbarasho Gudoomiyaha cusub ee Waxbarashada Gobolka Gabiley C/samad Sh Cumar Qaabil ayaa kamid ahaa ardaydii wax ku soo baratay Dugsigii sare ee Camuud isagoo heerka koowaad ee Jamacada ka qalin jabiyey Jamacadii Lafoole.
Gobolka Gabiley oo kamid ah gobolada mudadii dib loogu soo laabtay dalka 1991 ka hanaqaaday waxbarashada Asaasiga ayaa waxa ka furan dugsiyo aad utiro badan taas oo ay ka hawl galaan dhawr Boqol macalin ayaa mudooyinkii udanbeeyey la daala dhacayey maamul xumo ay marar kala duwan qayla dhaantooda soo ifbaxday.
Gudoomiye C/samad Sh Cumar ayaa waxaa la ga filan karaa marka dib loo fiiriyo mudada dheer ee uu kamid ahaa bahada waxbarashada Gobolka Gabiley mid wax wayn katari doona cabashooyinka soo jiitamayey ee macalimiinta Gobolka Gabiley
Araabsiyonews.com
Hargaysa Office
