Boqorkii dawladda boqortooyada Sucuudi Arabiya, Cabdalla bin Cabdi casiis ayaa geeriyooday Saqdii dhex ee caawa.
Boqor Cabdalla oo toddobaadyadii u dambeeyay xaalad caafimaad daro ugu jiray Cisbitaal ku yaalla Magaalada Jeddah ee caasimadda Sucuudiga, ayaa geeriyooday, sida lagu sheegay qoraal kooban oo ka soo baxay boqortooyada Sucuudiga isla-markaana uu baahiyey Telefiishanka Al-carabiya iyo Website-ka uu leeyahay Wargeyska Jerusalem
Alle ha u naxariistee Boqor Cabdalla ayaa muddo Cisbitaalka ugu jiray cudurka loo yaqaanno (pneumonia), waxaana mudadii uu Cisbitaalka ku jiray u rakibnaa qalab u fududeynayey neefsiga, laakiin caawa ayaa geeriyooday.
Boqorka geeriyooday ayaa wuxuu xukunka Sucuudiga la wareegay sanadkii 2005-tii, ka dib markii uu geeriyooday walaalkii boqor Fahad. Waxaana Boqor Cabdalla ay imika da’diisu ahayd 91-jir.
Sucuudiga, ayaa ah waddan qani ku ah soo saaridda shidaalka, waana dalka ugu soo saarka badan saliidda adduunka oo dhan.
Boqorkii dawladda boqortooyada Sucuudi Arabiya, Cabdalla bin Cabdi casiis ayaa geeriyooday Saqdii dhex ee caawa.
