Aqoontu Waa Aasaaska Iyo Furaha Ay Ummadaha Caalamku Ku Gaadheen Himilooyin Iyo Hiigsi Nololeed Ee Sare, Halka Ummadaha Aan Aqoonta Qiimaha Siinin Ay Maanta Dunida Guudkeeda Ku Yihiin Adoomo/Dulin (Parasites) Aan Wax Miisaan Ah Ku Lahayn Arimaha Siyaasadeed Iyo Dhaqaale Ee Caalamka.
Sabankaynu Joognee
Xidigaha La Sahansaday
Satellite Hawada Kora
Qayrkeen Samaysteen
Sahal Laguma Gaadhine
Cilmigaa Sakhirayoo
Mugdigii Ka Saaraye
Ruuxii Sabool Ahi
Silic Kama Fogaadee
Dhalintaay Bal Sara Kaca
Ugu Horayn, Maxaa Jaamacad Lagu Qiimeeyaa (Criteria):
1. Manaahiijta Waxbarasho Ee Ay Adeegsato,
2. Tayada Macalimiinta Ay Haysato,
3. Waxa Ay Dhigto Iyo Qalabka Ay Adeegsato,
4. Doorka Ay Ka Qaadato Horumarka Iyo Dadka Ay Soo Saarto Tayadooda.
Hadaba Jaamacada Dalka Ka Jiraa, Ma Fuliyeen Qoddobadan Aan Soo Sheegay? Jawaabta Oo Koobani Waa Maya, Waayo Malaha Manaahiij Ku Salaysan Dhaqanka Iyo Diinta Dadka Ay Waxbarayaan, Ma Haystaan Qalab Waxbarasho Iyo Macalimiin Aqoon Leh Midna.
Marka Laga Yimaado Gobolada Kale Ee Dalka, Magaalada Hargiesa Waxaa Ka Furan In Ka Badan 15 Meheradood Oo Gacansi (Jaamacad Ku Sheeg), Dhammaan Meheradahaasi Si Ay U Kasbadaan Arday Fara Badan Oo Ku Soo Biira Meheradahaasi Waxay Isticmaalaan Magaca “Qalab Casri Ah Iyo Waxbarasho Tayo Leh”, Sidoo Kale Jaamacada Dawldaha Ayaa Iyaguna Kaalmaha Hore Kaga Jira Ka Gacansiga Marin Habaabinta Jiilka Soo Socda.
Inkasta Oo Ay Tahay Waajibaadka Iyo Masuuliyada Wasaarada Waxbarasha Dalka In Ay Ilaaliso Tayada Qooneed Ee Dalka, Hadana Wasaarada Waxbarashadu Waxay Marar Kala Duwan Balan Qaaday In Ay Hubin Doonto Tayada Jaamacada Dalka, Balse Balanqaadkaasi Waxaa Waxba Kama Jiraan Ka Dhigay Horjoogayaasha Jaamacadaas Oo Aan Odhan Karo Waa Jiil Damiirka Iyo Dadnimaduba Ku Yartahay Oo Diiday In Ay Wasaarada Wax Kaalmo Ah Ka Siiyaan Talaabadaasi, “Wasiir Meherada Reer Hebelba Lama Xidhinine, Taayada Maxaad Ku Aragtay”.
Inkasta Oo Marka Loo Eego Heerkii Looga Baahnaa Ay Aad U Liidato, Hadana Waxaan Amaan U Soo Jeedin Lahaa Maamulka Iyo Mulkiilaha Jaamacada Gollis Oo Dadaal Muujiyay Si Ay Jaamacadooda U Tayeeyaan.
Gabagabo:
Muwaadin Wax U Baro Si Aad Wax U Badasho,
Aqoontu Maaha In Aad Shahaadooyin Qaadato,
Aqoontu Waa In Ay Caqli Ahaan Qofka Dhistaa Ka Hor Intaanay Calool Ahaan Dhisin.
O Dalkii Hooyo Niman Jooga Iyo Debeda Qaar Aaday,
O Da’yartiyo Abwaanada Ka Caan Hees U Dirayaaye,
O Dabayshaan U Sii Dhiibayaa Doodan Aan Odhane,
O Duco Waalid Ruuxii Qabaa Hadalku Deeqaaye,
O Qofkaan Dhego Daloolaba Lahayn Waa Dix Dhagaxeede,
O Demanaha Wax U Ma Sheego Iyo Liida Doqoneede,
O Inta Sharafta Aan Daadinee Magaca Doonaysa ,
O Ayaan Samo Dardaar Leeyahoon Dooda Maqashiine,
O Qofka Samaha Doonaa Rabina Derejo Siiyaaye,
W/Q: Hal-Abuur, Saxafi Iyo Falanqeeye Siyaasadeed Oo Madaxbanaan: Nageeye Cali Khaliif (Safiirka)
Email: Nageeye09@Hotmail.Com
